Dokument-Nr. 10053
Schiela, Ludwig
an Benedikt XV.
München, 15. Juli 1921
Ante aliquod menses infrascriptus sacerdos archidioecesis Monacensis in Bavaria Ludovicus Schiela suppliciter oravit, ut institutum aliquod catholicum pro infantulis nutriendis et erudiendis, quod gravi hoc tempore maxima premitur egestate, summa pecuniae Sanctitas Tua per modum gratiae adjuvare dignaretur. Maximo profecto gaudio sumus affecti, cum hisce diebus donum pecuniae sat magnum in summa 10.000 Lire a Sanctitate Tua gratiosissime traderetur. Ex intimo corde et verbis Sororum Religiosarum, quae instituto supra dicto praesunt, Sanctitati Tuae gratias maximas pro pecunia nobis transmissa referimus. In hanc gratiarum actionem et Sorores et aliae in instituto habitantes preces ad Deum pro salute Sanctitatis Tuae ennixe et ardenter effundent.
Sanctitati Tuae
filius in humilitate devotissimus
Pr. Ludovicus Schiela