Dokument-Nr. 12933
Klein, Franz
Heinlein, Eduard ValentinSiegert, Karl Hugo an Benedikt XV.
Würzburg, 23. Juni 1921
Ad pedes Sanctitatis Vestrae provoluti humillime infrascripti studiosi Universitatis Herbipolensis exponunt.
Studiosi Universitatis bello universali finito, penuria maxima premuntur et indigent ad vitam necessariis. Pauci tantum pro victu et amictu necessaria sibi parare possunt. Quare benignitatem Sanctitatis Vestrae pro auxilio imploramus. Animum ad has preces sumpsimus ex gratiosissima libertate, quam studiosi Universitatis Monacensis experti sunt et ex benignitate excellentissimi nuntii Sanctitatis Vestrae, Archiepiscopi Eugenii Pacelli, qui preces nostras adiuvare promisit.
Pro gratia, quam humillime petimus, Deus ipse sit merces magna nimis.
Pro unione universali studiosorum
Universitatis Herbipolensis subscribunt
Sanctitatis Vestrae
obsequiosissimi filii
Franz Klein
candidatus iuris et secretarius unionis universalis studiosorum Universitatis Herbipolensis
Eduard Valentin Heinlein
studiosus iuris
K.H. Siegert
candidatus medicinae
praeses unionis.