Dokument-Nr. 16335
Klein, Kaspar
an Pacelli, Eugenio
Paderborn, 03. August 1926
Excellentiae Vestrae litteris de die 21. m. Julii 1926 (Num. 35653) respondeo ut sequitur:
Inter Apostolicam Sedem et regnum Borussicum, prout in Bulla "De salute animarum" anni 1821 expositum est, conventum est, ut in dioecesi Paderbornensi capitulum constaret ex duabus dignitatibus, una nempe praepositi, ac altera decani, ex octo canonicatibus numerariis, quatuor canonicatibus honorariis et sex vicariis seu praebendatis.
Inde ab hoc tempore in capitulo Paderbornensi duae dignitates existunt, quarum prima praepositura est, secunda vero decanatus.
Dicta Bulla amplius statutum est, ut capitulum dotaretur, ita ut pro praeposito necnon pro decano quovis anno summa 1400 thalerorum id est 4200 marcarum evaderet. Quae dotatio quidem per gubernium Borussicum executum non est, dicta vero summa 1400 thalerorum seu 4200 marcarum quovis anno pro praeposito necnon pro decano penditur. Insuper temporibus mutatis et diminutioni valoris monetas rationem habens gubernicum Borussicum inde ab anno 1906 summam 2792 marcarum pro utraque dignitate capituli addidit, quae summa inde ab anno 1925 aucta est ad summam 4492 marcarum. Dicta vero augmentatio quovis anno de novo et pro uno tantum anno conceditur necnon retrahi potest; sunt ergo redditus incerti.
Denique superest reddituum ex distributionibus summa annua 8 marcarum. Redditus igitur annui utriusque dignitatis capituli Paderbornensis constituuntur ut sequitur:
| redditus certi = | summa 4200 marcarum, |
| redditus incerti = | summa 4492 marcarum, |
| ex distributionibus = | summa 8 marcarum; |
| id est in toto = | summa 8700 marcarum. |
Praeterea utrique dignitati domus ad habitandum assignata est.
Excellentiae Vestrae
maxima qua par est reverentia
addictissimus
(sig.) Casparus
Episcopus Paderbornensis.