Dokument-Nr. 1703
Woker, Franz Wilhelm
an Benedikt XV.
Paderborn, 27. März 1920
Cum Illmus et Rmus Episcopus noster Dnus Carolus Josephus Schulte, ad sedem metropolitanam Coloniensem promotus, administrationem nostrae dioceceseos die 23. h. m. deposuerit, proindeque sedem Paderbornensem vacare contigerit: nos pro jure communi nobis competenti hodierna die ad vicarium, qui vices nostras in dioceseos administratione gerat, necnon ad oeconomum eligendum rite convocati et capitulariter congregati, vicarium nostrum capitularem et oeconomum pro sedis vacantis tempore elegimus Rmum Dnum Casparum Klein, ecclesiae Cathedralis Paderbornensis canonicum numerarium, hucusque vicarium Eppi in spiritualibus generalem, ut omnibus juribus secundum canones ipsi competentibus perfruatur.
Ad pedes Sanctitatis Vestrae provoluti benedictionem Apostolicam implorantes summa cum veneratione et devotione sumus et permanemus Sanctitatis Vestrae observantissimi et obendientissimi servi:
Capitulum Ecclesiae Majoris Paderbornensis
Dr. Fr. Guil. Woker
Praepositus