Dokument-Nr. 6888
Kirchner, Johannes
an Pius XI.
Lengenfeld, 09. August 1922
Ad pedes Sanctitatis Vestrae humillime provolutus ad scriptum appositum Francisci Schade parochiani mei per Dominum Nuntium Apostolicum Bavaricum mihi transmissum hoc noto.
Dictus Schade iam crebro ad viros nobiles, divites praeeminentesque scripsisse dicitur, ut dona accipiat. Hic vir debilis quidem est et saepius aegrotus; sed, cum aliquantulum invaluit, levitatem animi haud parvam prae se fert; si pecuniam tunc habet, non parcus sed valde largus immo prodigus est.
Nunc viribus ita convaluit ut laborare et in fabrica probabiliter multum pecuniae sibi merere possit. Uxor eius diligens et parca est. Virum supplicem commendare non possum, ut ei donum praebeatur.
Sanctitatis Vestrae
humillimus
Ioannes Kirchner,
parrochus.