DEEN Datenschutz Impressum

Dokument-Nr. 14138
Fritz, Karl an Pius XI.
Freiburg im Breisgau, 14. April 1925

Anlage, Schreiben, Masch.

Protokollnummer
Archivsignatur AAV, Segr. Stato, Anno 1925, rubr. 249, fasc. 5, fol. 112rv.
Beatissime Pater! Carolus Fritz, Archiepiscopus Friburgensis, ad pedes Sanctitatis Vestrae provolutus, quae sequuntur, humillime exponit. In urbe Constantia (Konstanz), in qua usque ad annum 1806 episcopus maioris partis ditionis, quae nunc ad archidioecesim Friburgensem pertinet, residebat quaeque fere triginta milium incolarum hodie habet, abhinc sexaginta annos "unio virorum catholica" floret, cuius sodales semper optimum catholicae vitae exemplum dederunt atque iura ecclesiae fidemque catholicam forti animo et maximo successu defenderunt. Quae unio virorum catholica proximo Maio mense semisaecularia celebrabit, quae tempore belli populorum infelicissimi et sequentibus annis turbidis agitari non potuerunt.
De re catholica et de urbe Constantiensi et de salute communi Hugo Baur, doctor iuris et advocatus, praeses dictae unionis, optime se meruit; impavidum, prudentissimum, lucri haud avidum semper se praebuit; a civibus catholicis et
112v
noncatholicis ob integros mores vere colitur et diligitur; fiduciam ei plenissimam et ego committo, praesertim cum ecclesiae catholicae, Sedi Apostolicae, archiepiscopo semper deditissimus fuerit.
Quare cum sint tanta Hugonis Baur de re catholica merita, et laici et sacerdotes urbis Constantiae summo afficientur gaudio, si Sanctitas Vestra istum virum aliqua gratia decorare dignata fuerit.
Sanctissime Pater! Abs Te efflagitare mihi liceat, ut viro Hugoni Baur La Commenda dell'Ordine di San Gregorio Magno, classe civile, atque sodalibus unionis virorum Constantiensium catholicae benedictionem apostolicam benignissime concedere digneris.
Sanctitati Vestrae qua par est reverentia,
obsequentissimus
et deditissimus filius
+ Carolus Fritz
Archiepiscopus Friburgensis.
fol 112r links oberhalb des Textkörpers hds. in blauer Farbe von unbekannter Hand notiert, vermutlich vom Empfänger: "unire al"; gleich darunter hds. von unbekannter Hand notiert, vermutlich vom Empfänger: "No 41421/26 aprile".
Empfohlene Zitierweise
Fritz, Karl an PiusXI. vom 14. April 1925, Anlage, in: 'Kritische Online-Edition der Nuntiaturberichte Eugenio Pacellis (1917-1929)', Dokument Nr. 14138, URL: www.pacelli-edition.de/Dokument/14138. Letzter Zugriff am: 18.04.2024.
Online seit 24.06.2016.
Anlagen
Entwürfe/Ausfertigungen
Weisungen
Verlinkte Dokumente
Verlinkte Kurzbiografien
Verlinkte Schlagwörter
Verlinkende Dokumente