Dokument-Nr. 14520
Biełohołowy, Józef
: [Kein Betreff]. Moskau, 25. Juli 1925
1° Mense Novembri cum Alessandro [Cerwinkow], praesidente CJK Albae Russiae, qui est etiam unus ex quinque praesidentibus CJK SSSR. Nostrum colloquium 4 1/2-5 horas duravit.
2° Mense Januario cum eodem [Cerwinkow] 3 horas locutus sum.
3° Eodem Mense locutus sum cum Pedro Swidozic, membro CK factionis bolsevisticae et praesidente Secretariatus Cultus penes CJK SSSR. Hic mihi dixit Gubernium sovieticum projectum constitutionis Eccles. catholicae in SSSR missae ad S. Sedem, ut approbatione S. Sedis obtenta haec constitutio, qua lex promulgaretur. Ipsum projectum mihi monstrare recusabit, proinde suspicione de aliqua deceptione vel fraude motus, R. Patri Ledechowski misi duo exemplaria officialis editionis legum, quibus res ecclesiasticae in SSSR. reguntur, sub titolo "[5 Wörter unlesbar]" editio novissima.
4° Mense Maio locutus sum cum Commissario educationis publicae Ihnatowski in Alba Russia. Colloquium 2 1/2 horas duravit.
5.) Mense Junio locutus sum cum praesidente G.P.U. in sectione Mohylowensi. Colloquium 2 horas duravit.
5° Mense Junio locutus sum cum praesidente GPU [vetiore] Mohylowensi. Colloquium 2 horas duravit.
6° Mense Julio scripsi epistolam ad [Cerwinkow], qui locum Kalinin in Kreml tenuit, ad Cicerin et ad Smidowicz. In hac epistola propugnavi thesim, quae sequitur: Loialitas evidens catholicorum subditorum SSSR meretur ius "esse revera catholicos"; neglegentia
64v
autem gubernii in hoc iure suis subditis
praestando est periculosa ipso gubernio, nam confidentiam et loialitatem 3.500.000
catholicorum labefactat et potest penitus destruere, enimvero cattolici non sunt res ex
ligno vel lapide formatae sed sunt homines, quorum patientia fines habet. Duabus vicibus locutus sum cum Smidovicz, qui ex commisione Cycerin et [Cerwinkow] mihi dixit: "Hoc mense gubernium omnem materiam in hac causa colliget in unum rediget, et certos, solidos gressus coram S. Sede faciet ad necessitatibus catholicorum in SSSR satisfaciendum".
Ex praefatis colloquiis cognovi, quae sequuntur:
1° Gubernium Sovieticum optime agnoscit suum errorem in negligenda causa pactionum cum S. Sede. Quae olim ipsi minus gravia videbantur, nunc optime in sua gravitate appretiantur.
2° Aegrum est gubernio sentire [rumorem] de persecutione [Eccles.] in SSSR.
3° Gubernium timet labefactationem loialitates 3.500.000 massae catholicorum
4° Gubernium vult quam citissime demonstrare suam benevolentiam erga catholicos ucrainos et albo-ruthenos.
5° Gubernium perterritum est fanatica-anarchica evolutione sectarum. (Una die in campo penes Vinnisch in Podolia sectarii 17.000 crucium lignearum constituerunt). Gubernium timet hanc massam fanaticam et vult eam organizare manibus cleri catholici ritus orientalis.
65r
Catholici ritus orientalis (Exarcha, sacerdotes, sorores et
alii fideles) incarcerati, eorumque familiae – senes et infantes – maxima penuria et miseria
sunt afflicti. Literaliter fame pereunt. Necessarium est subitaneum auxilium
materiale.Sors incarceratorum mutatur in peius; qui libertate respective gaudebant, ea sunt recenter privati; incarcerati et in exilium missi remittuntur in partes remotiores et in conditiones severiores ponuntur. Necessaria est interventio, cum vires hominum martyrum jam deficiunt.
Clerus latinus de die in diem in depressionem moralem labitur. Nulla consolatio, nullum auxilium spirituale. Salvate nos, perimus! -
J. Bieloholowy
Decanus Mohilowensis.