Dokument-Nr. 18621
Schulte, Karl Joseph
an Pius XI.
Köln, 26. August 1927
Riccardus Statz, consiliarius juris a secretis in Düsseldorf hujus archidioecesis Coloniensis habitans, vir est vere catholicus et una cum sua familia optimum praebet exemplum. Mense Septembris hujus anni vigesimum quintum annum complebit, quo munere provisoris fabricae ecclesiae suae parochialis fungitur. Quo tempore semper summo cum zelo et successu parochum in administrandis bonis ecclesiae adjuvit.
Dignus habendus est, ut honore decoretur ecclesiastico.
Quare ad pedes Sanctitatis Vestrae humiliter provolutus supplico, quatenus eum equitibus ordinis S. Gregorii adscribere haud dedignetur.
Et Deus etc.
Card. Schulte
Archiepiscopus Coloniensis.