Dokument-Nr. 624
Büsse, Joseph Georg
an Pius XI.
Hildesheim, 05. November 1929
Capitulum Ecclesiae Cathedralis Hildesiensis ad pedes Sanctitatis Vestrae provolutum humillime quae sequuntur exponit.
Die 13. m. Junii hujus anni Decanus Ecclesiae Cathedralis Hildesiensis Conradus Steinmann Protonotarius Apostolicus a. i. p. placidissime in Domino obdormivit.
Cum decanatus sit unica dignitas Capituli Ecclesiae Cathedralis et nunc prima vice vacaverit, postquam a Sancta Sede Apostolica sollemnis Conventio cum Republica Borussica de die 14. m. Junii 1929 celebrata est, hinc juxta articulum 8 ejusdem Conventionis a Sanctitate Vestra humillime et instantissime petimus, ut Sanctitas Vestra vacantem dignitatem Seniori Capituli nostri.
Canonico Capitulari Joanni Hagemann,
Protonotario Apostolico a.i.p.
benignissime conferre dignemini.
Joannes Hagemann, natus die 21. m. Februarii 1859 in Worpswede, pago hujus dioecesis, studiis gymnasii absolutis per quatuor annos in universitate Monasteriensi Guestphalorum et seminario Dillingensi studiis philosophiae et theologiae operam dedit et die 7. m. Augusti 1881 a Reverendissimo Episcopo Augustae Vindelicorum presbyter ordinatus est.
40v
Per tres annos curam animarum in dioecesi Augustana
Vindelicorum et deinde ab anno 1884 in dioecesi Hildesiensi exercuit. Anno 1889 Lector
Ecclesiae Cathedralis Hildesiensis, anno 1893 Vicarius ejusdem Ecclesiae Cathedralis
nominatus simul in administratione Curiae dioecesanae munere archivarii et revisoris, deinde
secretarii Capituli Cathedralis functus est. Concionatoris quoque officium in Ecclesia
Cathedrali per sex annos suscepit.Anno 1906, die 23. m. Octobris, in Capitulum Ecclesiae Cathedralis vocatus et vicarius episcopalis generalis et ab episcopo Adolfo Bertram et ab episcopo Josepho Ernst electus est. Sede episcopali vacante bis a Capitulo Cathedrali unanimi consensu vicarius capitularis electus viduam dioecesim administravit.
Semper indefesso animarum zelo excelluit et integritate morum enituit.1 hds. vermutlich vom Empfänger jeweils durch einen Schrägstrich zu Beginn und am Ende des Textes hervorgehoben.
Quapropter, Beatissime Pater, humillime petimus, ut Sanctitas Vestra designationem a nobis factam benigne suscipere et votis nostris annuens Joannem Hagemann ad dignitatem Decani Ecclesiae Cathedralis Hildesiensis promovere dignetur.
Salarium decani Capituli Ecclesiae Cathedralis Hildesiensis pro tempore octo millibus marcarum germanicarum constat.
Sanctitati Vestrae
obedientissimi filii
Canonici Capitulares Ecclesiae Cathedralis
Hildesiensis.
v. c.
J. Büsse,
Domkapitular
1↑"Joannes Hagemann [...] enituit.