Beatissime Pater!
Orator humillime infrascriptus, videlicet Archiepiscopus
Friburgensis, die 16. Novembris anni praeteriti Sanctitati Vestrae petitionem
porrexit, ut sibi facultas daretur imponendi modicum censum pro annis 1918 et 1919
quibusdam Beeneficis<i>s
quorum reditus tempore belli enormiter aucti sunt, ut iis pecuniis nova beneficia erigi vel
tenuiter dotata augeri possen. Nuper per Apostolicam Nuntiaturam Bavariae mihi indicatum
est, desiderare S. Congregationem Concilii, cui negotium istud mandatum est, ut etiam
interesse habentes audirentur, antequam ad praestationem adigerentur. Ordinationem talem,
quam rationalem atque aequam esse cognosco, libenter exsequerer; sed nunc rapidissimo cursu
mutatis apud nos omnibus rebus publicis causae supplicationis magna ex parte desierunt, cum
post bellum finitum reditus pinguiores brevi tempore certo notabiliter sin minuendi
gravissimaque tributa a gubernio civili omnibus qui oneri ferendo pares sunt, futura sint
imponenda.
Addere quoque in laudem Cleri huius Archidioecesis possum, non paucos ad meas
preces anno praeterito magnam partem pro necessitatibus ecclesiasticis ultro
cessisse.
Quae cum ita sint, mihi non iam in mente est, beneficiariis meis censum per
modum obligationis imponere. Itaque Sanctitatem Vestram rogo, ut mihi petitionem meam de die
16. Novembris 1918 liceat revocare.
Sanctitatis Vestrae
humillimus servus
et in Christo filius
Thomas Nörber AEpus Fbgensis
Recommended quotation
Nörber, Thomas to BenediktXV. from 12 February 1919, attachment, in: 'Kritische Online-Edition der Nuntiaturberichte Eugenio Pacellis (1917-1929)', document no. 2248, URL: www.pacelli-edition.de/en/Document/2248. Last access: 02-05-2025.
Online since 04-06-2012, last modification 18-09-2015.
to Benedikt XV.